மோடி - இனிமேயும் இப்படித்தான்..!!

                   நாங்கள் ஆட்சிக்கு வந்தா அத செய்வோம் இட செய்வோம்னு அரசியல்வாதிங்க, தொண்டர்கள் சொல்லி ஆட்சிக்கு வந்ததை பாத்திருப்போம் ஆனா மக்களே ஆர்வக்கோளாறா "பிராண்டிங்" பண்ணி ஜெயிக்க வைச்சது மோடியதான். அவர பத்தி அவருக்கே தெரியாத பல விசயங்கள பத்திரிக்கைகளும், ஏ.சி. ரூம் யூத்துங்களும் தான் அதிகமா தேடி புடிச்சு பரப்புனாங்க. என்ன தான் டிவிட்டர்ல லட்சக்கணக்கா போலி பாலோயர்கள் வச்சிருக்காரு, ஃபேக் ஃப்ரொபைல் வச்சிருக்காருன்னு சொன்னாலும் கடைசியில என்னமோ ஜெயிச்சது அவருதான். ஜெயிச்சாரு...பயங்கர பலத்தோட ஜெயிச்சாரு.. நம்ம பசங்களும் இந்த சினிமாவுல கடைசி சீன்ல ஹீரோ பாயிண்ட் புடிச்சு பேசும் போது கூட்டத்துல நின்னு, "அடிச்சான் பாரு மொத பால்ல சிக்சர்", "அப்படி கேளு தலைவா", சிங்கம் களம் இறங்கிருச்சு"ன்னு எல்லாம் கத்துற மாதிரி செம பவரோட இருந்தாய்ங்க.. நம்மாளும் பதவியேற்ற தெம்புள ஒன்னு ரெண்டு பன்ச் டயலாக்க சேத்து விட்டாரு.. அதோட விடாம கக்கூஸ் கட்றேன்..காம்பவுண்டு செவுரு கட்றேன்..கரெண்ட் பில் கட்றேன்னு என்னென்னமோ சொன்னாரு கடைசிக்கு கோட்சேக்கு சிலை வக்கிறேன்னு முடிச்சிட்டு அடுத்து ஊற சுத்தப்படுத்துறேன்னு "ஜீ" பட அஜீத் மாதிரி கையில வெளக்கமாத்த எடுத்துட்டு கெளம்புனாரு.. மீடியாவும் நம்ம பசங்களும் முதல்வன் அர்ஜூன் ரேஞ்சுக்கு பில்டப் கொடுத்தாய்ங்க. 

என்னமோ இந்தியாவுல குப்பையே இல்லாத மாதிரியும் இவைங்க தேடி தேடி கூட்டுன மாதிரியும் காஞ்சு போன நாலு இலைய கூடையில எடுத்துட்டு வந்து கொட்டி அத கூட்டி தள்ளி நாப்பது ஃபோட்டோ எடுத்து படம் ஓட்டுனாய்ங்க. இதுல இத என்னமோ ஒலிம்பிக் ஜோதி மாதிரி நடிகர் நடிகை, விளையாட்டு வீரர்கள்னு எல்லாத்து கைளையும் மாத்தி மாத்தி கொடுத்து விட்டாரு..அவங்களும் இதே மாதிரி இலைய கொட்டி கூட்டிட்டு..கெளம்பிட்டாங்க. அவ்ளோ தான் அது அப்படியே காணாம போச்சு.  அவ்ளோதான் அதுக்கு அப்புறம் நம்மாளு எந்த நாட்டுல இருக்காருன்னு அவருக்கே தெரியல..

பிரதமர் மத்த நாடுகளுக்கு சுற்றுபயணம் போறதுங்குறது சகஜமான விசயம் தான்..ஆனா நம்மாளு இந்தியாவுக்கே சுற்றுபயணம் மாதிரி தான் வந்துட்டு போறாரு.. கூகுள் மேப்ல இல்லாத இடத்துக்கெல்லாம் போயிட்டு வந்துட்டாரு. விட்டா கொலம்பஸ் மாதிரி புதுசா ஒரு நாடையே கண்டுபிடிச்சாலும் கண்டுபிடிப்பாரு. சரி வெளிநாடு போயி அப்படி என்னதா பறந்து பரந்து வேலை பாக்குறாரு இந்திய பொருளாதாரம் மேல அவ்ளோ அக்கறையான்னு பாத்தா அதானி க்ரூப்புக்கு "பிசினஸ் எக்ஸிக்யூட்டிவ்" வேலை பாத்துட்டு இருக்காரு. சும்மா சொல்லக்கூடாது பம்பரமா சுத்தி அப்ரைசைல் பீரியட்ல டபுள் இன்சென்டிவ் வாங்குற அளவுக்கு தீயா வேலை செய்யிறாரு. கல்யாண் ஜுவல்லர்ஸ் பிரபுவுக்கு ," நீ லோக்கல் தம்பி..ஐயாம் வேர்ல்டு டூர்"னு சொல்ற அளவுக்கு டஃப் ஃபைட் கொடுக்குறாரு மோடி. ஒரு வழியா அதானிக்கு டபுள் டார்கெட் அச்சிவ் பண்ணிட்டு நம்மூரு பக்கம் எட்டி பாத்திருக்காரு.
                                       

சரி ஊருக்கு தான் ஒன்னும் பண்ணல போனோமா ஊர சுத்தி பாத்தோமா..புள்ளைங்க கூட "செல்ஃபி" எடுத்தோமா,நல்லது கெட்டத திண்ணோமான்னு இல்லாம எல்லா ஊருலையும் இங்க மாதிரியே எழுதி வச்சு படிச்சு அதையும் தப்பா படிச்சு அசிங்கப்படுறாரு. திருமதின்னு குறிக்குற Mrsஅ   M.R.Sனு இனிசியல் மாதிரி படிச்சு வச்சுட்டாரு..எவன்டா இன்சியல மாத்துனதுனு சண்டையே வந்திருக்கும். அது கூட பரவாயில்ல வேற கண்ட்ரி.. நம்ம நாட்ல தேச பிதா பேர "மோகன்லால் கரம்சந்த் காந்தி"ன்னு சொல்லிட்டாரு..பாவம் நைட்டு "திரிஷ்யம்" மலையால படம் பாத்திருப்பாரு போல அந்த் கன்பீசன்ல உளறிட்டாரு. இது மட்டும் இல்ல இது மாதிரி இன்னும் பல எடத்துல பல சம்பவங்கள் செஞ்சிட்டு வந்திருக்காரு. மாவீரர் அலெக்சாண்டர் படையை பீகார் வீரர்கள் எதிர்கொண்டனர்னு பிட்டு போட்ருக்காரு அதையும் பீலான்னு கண்டு புடிச்சிடாய்ங்க உடனே. பாவம் பெரிய மனுசன் ஸ்டோரி இண்ட்ரெஸ்ட்டுக்காக எதொ பிட்டு சேர்த்து சொல்றாருன்னு விடாம எல்லாத்தையும் கண்டுபுடிச்சிட்டாய்ங்க. அவரும் "எந்த கெட்டப் போட்டாலும் பாடி சோடான்னு கண்டுபுடிச்சா மதிப்பில்லையாடா"ன்னு வருத்தப்படுறாரு. சரி நம்மாளும் சும்மா இருக்காரா, கூட்டத்த பாத்தவுடன ஆடு மிரள்ற மாதிரி என்னென்னமோ ப்ளோவுல பேசிறாரு, சீனாவுல போய் இந்தியர்கள் இந்தியாவுல பொறந்ததுக்கு வெக்கப்பட்டாங்க நான் ஆட்சிக்கு வர்றதுக்கு முன்னாடின்னு பேசிட்டாரு.. ட்விட்டர்ல எதிர்ப்பு எகிறுச்சு ஆனா எப்படியோ அவரு ஃபேக் பாலோயர் ஐடி வச்சு ட்ரெண்டிங்க மாத்திவிட்டுட்டாரு. இதுக்கு முன்னாடி இருந்த பிரதமரு பேசல பேசலன்னு வருத்தப்பட்டாய்ங்க..இவரு ஏன்டா பேசுறாருன்னு கவலப்படுறாய்ங்க. மோடிஜீ மொதல உங்களுக்கு எழுதி கொடுக்குற ஆள புடிச்சு உள்ள போடுங்க..(ஒருவேளை சரியா எழுதினததான் இவரு தப்பா வாசிக்கிறாறோ..!!)

                                                     


சரி அங்க தான் அப்படின்னா இங்க அதுக்கு மேல.. "பீ இண்டியன் பை இண்டியன்"னு புதுசா ஆரம்பிச்சு விட்டாரு அவருக்கு ஆபத்தா ஆயிருச்சு..போட்ருக்குற கண்ணாடி, சட்டைல இருந்து ஷூ வரைக்கும் மட்டும் இல்லாம ஒபாமா வந்தப்போ மோடி போட்டிருந்த சூட் பத்து லட்ச ரூபாயாம்.. அதுலையும் எதோ சின்ன பசங்க பென்சில் பாக்ஸ்ல பேரு எழுதி வச்சிருக்குற மாதிரி ட்ரெஸ் முழுக்க பேரு எழுதி வச்சிருக்காரு.. அது போக ஊரு ஊரா போய் "லெட்ஸ் டேக் எ செல்ஃபி புள்ள"னு எடுத்துக்குறது எல்லாம் "ஐ போன்" தான்னு எல்லாம் வெளிநாட்டு பொருள்னு பட்டியல் போட்டுட்டாய்ங்க. சரி தேர்தல் நேரத்துல கக்கூஸ் கட்டுவேன்,கறுப்பு பனத்த கொண்டு வருவேன், , ஆளுக்கு பேங்க்ல பணம் போடுறேன் என்னென்னமோ ஷங்கர் பட ஹீரோ மாதிரி பில்டப் விட்டுட்டுபோயிட்டாரு..அத நம்பி எல்லாம் பேங்க்ல போயி தகராறு பண்ண ஆரம்பிச்சிட்டாய்ங்க "எங்கடா என் பங்கு"ன்னு. விவசாயிங்களும் விவசாயத்துக்கும் என்னமோ இவரு தான் காட்ஃபாதர் மாதிரி பேசிட்டு இருந்தாரு, சரி அவங்க கஷ்டத்த போக்க என்னமோ பண்ண போறாருன்னு பாத்த "விவசாயம் செய்யிறதுனால தான கஷ்டம், பண்ணாதிங்கன்னு சொல்றமாதிரி அவங்க இடத்த எல்லாம் புடிங்கிட்டு விட முடிவு பண்ணிட்டாரு. எல்லாத்தையும் இந்த பெட்ரோல் விலை.."சங்கமே அபராதத்துலா தான் ஓடுது"ங்குற ரேஞ்சுல கச்சா எண்ணெய் விலை குறைஞ்சாலும் நம்ம ஊருல மட்டும் இன்னும் செழிப்பான விலைக்கு தான் வருது. சரி தேர்தல் அப்போ எதோ ஃப்ளோவுல சொல்லிட்டாப்ல ஆனா எதையும் செய்ய முடிலன்னு விட்றலாம்  இவரு தான் இப்படின்னா பாஜக காரய்ங்க அதுக்கு மேல இருக்காங்க. சிறுநீருக்கு ஃப்ராண்டிங் பண்ண ஒருத்தரு,மாட்டுக்கறிய தடை பண்ண ஒரு கூட்டம், இந்தியா இந்து நாடு, இந்துக்கள் ஜனத்தொகைய பெருக்க இந்து பெண்கள் நிறைய குழந்தைகள் பெத்துக்கனும், முஸ்லீம்களுக்கு எதுக்கு ஓட்டுரிமை,இதெல்லாம் விட கற்பழிப்புக்கு இதுல பல பேரு சொல்ற காரணத்த கேட்டா கற்பழிச்சவனே பரவாயில்லன்னு தோனும். இப்படி ஊருல்ல உள்ள அறிவாளிங்க எல்லாம் இங்கனதான் இருக்காய்ங்க. இத எல்லாம் பாத்தா பிஜேபிக்கு எதிரா அடுத்த எலெக்சன்ல பிரச்சாரமே பண்ண வேணாம் அவைங்களே பேசி ஆப்பு வச்சிக்குவாங்க. இதுல இந்த சுதந்திர தின விழாவுல என்ன பேசுறதுன்னு மக்கள் கிட்ட கருத்து கேட்ருக்காராம்.. அதான நம்ம ஊருல இருந்தா தான என்ன நடக்குதுன்னு தெரியும்..நல்லவேலை எந்த நாட்டு சுதந்திர தினம்னு கேக்காம விட்டாரு..

ஆனா நம்ம பசங்களையும் மீடியாவையும் பாத்தா தான் ரொம்ப பாவமா இருக்கு. உங்க ஜட்ஜ்மெண்ட்டு ரொம்ப தப்புன்னு மோடியே சொல்லிருவாரு. நம்ம ஊருல கேப்டன் பண்றத கிண்டல் செஞ்சு, memes போடனே ஒரு கூட்டம் இருக்கு ஆனா அத எல்லாம் விட நூறு மடங்கு கேலிக்கூத்து எல்லாம் அசால்ட்டா பண்ணிருச்சு எங்க தல. கிட்டதட்ட படிக்காதவன் பட விவேக் கத தான் நம்மாளு. இதுவரைக்கும் எதுவுமே பண்ணல..இனிமேயும் இப்படிதான்னு சொல்லிருவாரு.. இதெல்லாம் வேணாம்னு "நீ பேசாம அமெரிக்காவுக்கே போயிரு சிவாஜி"னு சொல்ற மாதிரி மோடி கிட்டயும் சொல்லி மறுபடியும் டூர் அனுப்புறது தான் பெஸ்ட்டு.

அன்னல் வியக்கும் அம்மா அரசு!!

தெலுங்கு படம் மாதிரி நல்லா காமெடி, ஆக்சன் அதிரடின்னு ரொம்ப ஜககோதியா போறது நம்ம ஊர்ல நடக்குற ஆட்சிதான். கொஞ்ச நாளைக்கு முன்னாடி கூட எங்க ரூம் பக்கத்து வீட்ல இருக்குற ஒரு சின்ன பையன் என் கிட்ட "அண்ணே ஒரு கட்டுரை எழுதி தாங்கணே"ன்னு கேட்டான், என்னப்பா தலைப்புனு கேட்டா "அன்னல் காந்தி வழியில் அம்மா ஆட்சி"னு சொன்னான், கேட்டவுடன சிரிப்பு தான் வந்துச்சு.

"டேய் இந்த விசயம் காந்திக்கு தெரியுமாடா, ட்விட்டர் ட்வீட் அளவுக்கு கூட எழுத முடியாத ஒரு தலைப்ப கொடுத்து எப்படிடா கட்டுரை எழுத சொல்றாய்ங்க, சத்தியமா எவனாலையும் முடியாது, காந்தி மட்டும் உயிரோட இருந்திருந்தாரு, துப்பாக்கிய வச்சு அவரே சுட்டுகிட்டிருந்திருப்பாரு"ன்னு சொல்லி எஸ்கேப் ஆயிட்டேன்.

பாராட்டு விழா நடத்திகிட்டே இருந்தாங்கன்னு திமுக ஆட்சிய கிண்டல் அடிச்சாங்க, பத்திரிக்கை காரங்களும் கூட சேர்ந்து ஆமா போட்டாங்க, "மொதல நானும் நம்பல நம்புனாதான் சோறுன்னு சொன்னாங்க நம்பிட்டேன், நீங்க எப்படி"ன்னு சந்தானம் கேக்குற மாதிரி தான் இருக்கு நிலமை. சட்டமன்றத்துல பாராட்டிகிட்டு இருந்தவங்க இப்ப கட்டாயக் கல்வி மாதிரி கட்டாய பாராட்டையும் அமல் படுத்திருக்காங்க போல. சரி அப்படி என்ன தான் பண்ணிட்டாங்க பாராட்டன்னு யோசிச்சாதான் தோனுச்சு.. எவ்வளவோ இருக்கு.. சில சாம்பிள் மட்டும் இங்கே.

ஆட்சிக்கு வந்தவுடனையே பல அதிரடி மாற்றங்களை கொண்டு வந்தாங்க, அதாவது எதையுமே ஏற்கனவே உருப்படியா இருந்த பல விசயங்களை மாற்றம் வேணும்னு மக்கள் கேட்டுகிட்ட ஒரே காரணத்துக்காக நாசமா ஆக்கிட்டாங்க. எத்தனை தடவை நீதிமன்றத்துக்கு போய் அசிங்கப்பட்டு, அவமானப்பட்டாலும் நம் மக்களுக்கு தானேன்னு பொறுத்துகிட்டு நீதிமன்ற தீர்ப்பை காதுலையே வாங்கிக்காம மறுபடியும் மறுபடியும் மாற்றத்திற்காக போராடிட்டு இருக்காங்க. உதாரனமா மக்கள் நலப்பணியாளர்களை வேலையவிட்டு நிறுத்துனதுக்காக, உச்சநீதிமன்றமே, "தமிழ்நாட்டில் என்னதான் நடக்கிறது, போன ஆட்சியில் செயல்படுத்தப்பட்ட நலத்திட்டங்களை முடக்குவதுதான் வேலையா"ன்னு கண்டிச்சும் அசராம தீர்ப்பை எதிர்த்து வழக்கு, அந்த தீர்ப்புக்கு வந்த தீர்ப்பு மீது வழக்குன்னு இன்ன வரைக்கும் போராடிட்டுதான் இருக்காங்க.

ஒருபுறம் மாற்றம் கேட்ட மக்களுக்காக போராடினாலும், தமிழக வளர்ச்சி மீது அதீத அக்கறை கொண்ட அரசு, திமுக கொண்டு வந்த மின் திட்டங்களை கிடப்பில் போட்டு, இன்றைய இளைஞர்களுக்கு கற்காலத்தை காட்டி அகமகிழ்ந்தது. பல சிறு குறு தொழில்களை மூடி தொழிலாளர், முதலாளிகளுக்கு அவர்கள் நலன் கருதி நிரந்தர ஓய்வுவளித்தது இந்த அரசு. தமிழகத்தை "நியுமரோ யூனோ" மாநிலமாக கொண்டு வருவேன் என்று வாக்களித்து அதை அப்படியே நிறைவேற்றவும் செய்தார். வளர்ச்சி விகிதத்தில் திமுக ஆட்சியில் நாலாவது இடத்தில் இருந்த தமிழகத்தை அரும்பாடு பட்டு முதல் இடத்திற்கு கொண்டு வந்துட்டாங்க, என்ன மேல இருந்து நாலாவதா இருந்ததை கீழிருந்து ஒன்னாவதா ஆக்கிட்டாங்க. என்னது அதுக்கு பேரு கடைசி இடமா??,
ஒன்னாவது இடம்னு தான சொன்னோம் மேல இருந்தா கீழ இருந்தான்னு சொன்னாங்களா??

அடுத்து கொஞ்ச நாளைக்கு முன்னாடி 'தமிழ்நாட்டுல போராட்டங்கள் ரொம்ப அதிகமா இருக்கே இது மக்கள் அதிருப்திய தானே காட்டுது'?ன்னு கேட்டதுக்கு சொன்னாங்க பாருங்க ஒரு அருமையான பதில் , "மக்களை கட்டுப்படுத்தாமல் ஜனநாயக ரீதியில் அவங்களுக்கு போராடும் உரிமையை இந்த அரசு வழங்கியிருக்கிறது, அதனால் தான் போராடுகிறார்கள்"னு அத எதோ ஒரு பெருமை மாதிரி சொன்னாங்க. நல்ல வேலை ஏன் மக்கள் நலப் பணியாளர்கள், விவசாயிகள் எல்லாம் தற்கொலை பண்ணிகிட்டாங்கன்னு கேக்கல, கேட்டிருந்தா "அவர்களுக்கு இந்த தனி மனித சுதந்திரத்தை அள்ளி வழங்கியிருக்கிறது அதனால் சுதந்திரமாக தற்கொலை செய்து கொள்கிறார்கள்னு சொல்லியிருப்பாங்க. இதுக்கு மேலையும் இவங்க கிட்ட எவனாச்சும் கேள்வி கேக்க முடியுமா??


இதை விட இன்னும் அக்கறையா, மக்கள் கண்ட படம் பார்த்து கெட்டு போயிரக் கூடாதுன்னு  என்ன படம் பாக்கனும்னு தேர்ந்தெடுத்து வெளியிடுறாங்க. அவங்களுக்கு பிடிக்காத படங்களை மக்கள் நலன் கருதி தடை பண்ணிருவாங்க. இதுல எந்த விலக்கும் இல்ல. உலகநாயகன்ல இருந்து உள்ளூர் நாயன் வரை இதே நிலமை தான்.

இப்ப லேட்டஸ்டா வேறு எந்த மாநிலத்திலும் இல்லாத வகையில் "பவுலிங்கா? ஃபீல்டிங்கா?" முறையில் இந்த உள்ளாட்சி தேர்தலை வெற்றிகரமாக நடத்திட்டு இருக்காங்க. என்னன்னு கேக்குறிங்களா,  அதாவது ஓட்டு போடுற சிரமத்தை மக்களுக்கு கொடுக்காம இருக்குறதுக்கும், தேர்தல் செலவை குறைக்கிறதுக்காகவும் பாதி இடத்துல எதிர்த்து நிக்கிறவங்க மனுவை தள்ளுபடி பண்ணிர்றாங்க, மிச்ச இடத்துல வாபஸ் வாங்க வச்சிறாங்க. ஆனால் போட்டியிட மட்டும் விட மாட்டோம்னு சொல்லிட்டாங்க. இப்படிப்பட்ட நல்லாட்சி வேறு எங்கு அமையும்.? இத விட்டா வேற என்ன,  மக்கள் பணத்தை டீசல்க்கு வீணடிக்க கூடாதுன்னு சின்னதா ஹெலிகாப்டர்ல போனாங்க, அப்பப்போ ஒரு மாசத்துக்கு ரெண்டு மாசம் ஓய்வு எடுத்தாங்க, நூலகத்துல எதுக்கு நேரத்தை வீணடிக்கனும்னு அதுக்கு பூட்ட போட்டாங்க, இந்த மாதிரி இன்னும் எவ்வளவோ இருக்கு.

அதையெல்லாம் மீறி காந்திக்கும் இந்த அம்மையாருக்கும் ஒரு ஒற்றுமைனா காந்தி ஒத்துழையாமை இயக்கத்தை வெள்ளையர்களுக்கு எதிரா பயன்படுத்துனத இந்த அம்மா சொத்துக்குவிப்பு வழக்குல நீதிபதி, வழக்கறிஞர்களே பொறுமை இழக்குற அளவுக்கு செமையா பயன்படுத்திட்டு இருக்காங்க. இப்படிப்பட்ட அருமையான ஆட்சியை போய் காந்தி கூட ஒப்பிட்டா ஈடாக முடியுமா?? ஆமா இது மகாத்மா காந்தியா?? ராகுல் காந்தியா??

லவ் பண்ணுடா மவனே..!!

லவ் பண்றதுக்கு என்ன வேணும்னு கேட்டா, சில பேரு 'தம்' வேணும், 'தில்'லு வேணும்னு சிம்பு மாதிரி டயலாக் விடுவானுங்க, இன்னும் சில பேரு சும்மா பொரட்டி போடனும் அப்படியே அதுல சால்னாவ ஊத்தனும்னு கெளதம் மேனன் படம் மாதிரி பேசுவானுங்க. ஆனா எனக்கு தெரிஞ்சு உண்மையிலையே லவ் பண்றதுக்கு ஃப்ரெண்ட்ஸ் தான் முக்கியமா தேவை. என்னடா இவன் மட்டும் சசிக்குமார்,சமுத்திரக்கனி மாதிரி டயலாக் விடுறானேன்னு நெனைக்கிரீங்களா? இது காதல சேத்து வைக்கிற ஃப்ரெண்ட்ஸ பத்தி இல்ல, காதல் பண்றவங்களுக்கு நடுவுல சிக்கிகிட்டு திண்டாடுற ஃப்ரெண்ட்ஸ பத்தி. இந்த விசயத்துல பொன்ணுங்களுக்கு எப்படியோ தெரியாது ஆனா பசங்களுக்கு மட்டும் கண்டிப்பா ஃப்ரெண்ட்ஸ் இல்லாம லவ் மேட்டர்ல ஒரு அணுவும் அசையாது. நாம எல்லாருமே நம்ம வாழ்க்கைல நெறையா கட்டத்த தாண்டி வந்திருப்போம் சில பேரு தாண்டாம சுத்தி வந்திருப்பாங்க,ஆனா கண்டிப்பா இந்தக் கேரக்டர மட்டும் 99% பேரு கடந்து தான் வந்திருப்போம் , அதான் லவ் பண்றவனுக்கு ஃப்ரெண்டா இருந்திருப்போம். ஏன் சினிமாவுல கூட அந்தக் காலத்து சந்திரபாபுல இருந்து இந்த காலத்து சந்தானம் வரைக்கும் எல்லா காமெடியனுக்கும் இது தான் ரோல்.

                               


இப்போ இங்க நம்ம பசங்க படுற அவஸ்தைய ஸ்டேஜ் பை ஸ்டேஜா பாப்போம். ஏற்கனவே அனுபவிச்சவங்க கரெக்ட்டா இருக்கான்னு பாத்துக்கோங்க, புதுசுன்னா படிச்சு பழகிக்கோங்க.

1) லவ்வ அந்த பொன்ணு கிட்ட சொல்றதுக்கு முன்னாடியும் சரி, சொல்லிட்டு வெயிட் பண்ற கேப்லையும் சரி எதோ நேர்ந்து விட்ட மாதிரியே சுத்துவானுங்க. ஹாலிவுட் படம் மாதிரி நிமிசத்துக்கு நாலு ப்ளான் சொல்லிட்டு அதுக்கு அவனுங்களே முடிவும் சொல்லிக்குவானுங்க. அந்தப் பொண்ணு வேணாம்னு சொல்லுச்சு நமக்கு டாமேஜ் கம்மி, அவனுக்கு டாமேஜ் ஓவரு, ஒருவேளை பொண்னு ஓகே சொன்னா அவன் தப்பிச்சிட்டான் நமக்கு ஏழரை நாட்டு சனி மட்டும் இல்ல வேர்ல்டு மேப்ல இருக்குற அத்தனை நாட்டு சனியும் தொத்திக்கும்.

2) இந்த கட்டம் தான் உங்க ப்ரெண்டுக்கு லவ் ஆரம்பிக்கிற கட்டம், அதனால நீங்களும் ஒன்னு, ரெண்டு ஆக்டிவிட்டீஸ்க்கு ரெடி ஆயிக்குங்க. முதல் கட்டம் உங்களுக்கு நைட்டு தூக்கம் போயிரும்,அதே சமயம் காலைல ரொம்ப சீக்கிரமே விடிஞ்சிரும். கர்ணன் கவசக்குண்டலத்தோட பொறந்த மாதிரி எந்நேரமும் அந்த மொபைலோடவே தான் இருப்பாய்ங்க. சேவல் கூவுற நேரத்துல தான் குட்நைட்டே சொல்லுவானுங்க. சேவல் கூவி முடிக்கிறதுக்குள்ள குட்மார்னிங் சொல்றதுக்கு ஃபோன் பண்ணிறானுங்க. இதுல எப்படி நம்ம தூக்கம் போகும்னு கேக்குறிங்களா?  இந்த சம்பவம் எல்லாம் நம்ம தலமாட்டுலையே தான் நடக்கும் ஆனா நம்ம காதுக்கு எதுவுமே கேக்காது. லவ் பண்றதுக்கு முன்னாடி தல கவுண்டமணி மாதிரி ஹை-டெசிபல்ல பேசிட்டு இருந்தவனெல்லாம் இப்போ மணிரத்னம் படம் ஹீரோயின் மாதிரி பம்மி பம்மி பேசுவானுங்க. இது போக ஒருவேலை காலைல அவன் மொபைல் எடுக்கலைனா அவ்ளோதான், செத்தோம். நமக்கு தான் அலாரம் அடிக்கும். காதலிக்க ஆரம்பிச்சவுடன கடமை கூடும்ன்னு சொன்னது காதலிக்கறவங்களுக்கு மட்டும் இல்ல, காதலிக்கிறவங்களோட நண்பர்களுக்கும் தான். நமக்கு வர்ற ஃபோன விட நம்ம மொபைல்ல இவனுங்களுக்கு வர்ற ஃபோன் தான் அதிகம். பெரும்பாலும் நம்ம பசங்க இந்தக் கட்டத்துலையே பொறுமையிழந்துருவானுங்க, ஆனா அதெல்லாம் ரெண்டே வாரம் தான், கஷ்டப்பட்டு ஒரு ரெண்டு வாரம் தாக்கு புடிச்சிட்டிங்கன்னா போதும்...அப்புறம் அதுவே பழகிரும்.

ரெண்டாவது நீங்க செய்ய வேண்டியது உங்க சிம்ம தூக்கி எறிஞ்சிட்டு மரியாதையா அவங்க ரெண்டு பேரு என்ன நெட்வர்க் வச்சிருக்காங்களோ அதுக்கு மாறிக்குங்க முடிஞ்சா அதுக்கு ரேட் கட்டரும் போட்டுக்குங்க. ஏன்னா நடு ராத்திரியில ரீசார்ஜ் பண்ண முடியாட்டி உங்க ஃபோன் தான் பலிகடா.. அப்புறம் பேலன்ஸ் காணோம்னு புலம்ப கூடாது. ஏற்கனவே சொன்ன மாதிரி இனிமே உங்க ஃபோன் அவனுக்கு தான் அதிகம் பயன்படும்.

3) ஒருவேளை அந்தப் பொண்ணு வேற ஊருல இருந்தா அவ்வளவுதான், நம்மாளு அந்த பொண்ண பாத்துட்டு திரும்ப வர்ற வரைக்கும் நமக்கு தான் வயித்த கலக்கும், ஏன்னா அவன் வீட்டுல நம்ம கூட இருக்குறதா தான் சொல்லிட்டு வருவான்.அவன் வர்ற வரைக்கும் நாம தான் சமாளிக்கனும் "ஏன்னா இப்போ நாம தான காளிங்". அதுபோக எதாவது ரொமான்ஸ் படம் ரிலீஸ் ஆச்சுனு வச்சிகோங்க, செத்தான் சேகரு.. அந்த படத்த அந்த டைரக்டர விட அதிகமா இவனுங்க தான் பாப்பாய்ங்க. அதவிட படத்த பாத்துட்டு வந்து விடுற அலும்பு அதுக்கு மேல. சத்திய சோதனை.

4) அதுக்கு அப்புறம் நார்மல் ஆக்டிவிட்டீஸ் தான்,தியேட்டர், ஷாப்பிங் மால்னு அவன் கூட நாம துணைக்கு போய் வேடிக்கை பாக்க வேண்டியது தான். அதுல சில நேரம் போறப்போ ஃப்ரெண்டோட வண்டியில போயிட்டு ரிட்டர்ன் 'சோலோ'வா பஸ்லையோ, ஆட்டோவிலையோ தான் வரனும். லவ் பண்ண ஆரம்பிச்ச அப்புறம் இவனுங்க கூட வெளிய போறதே முக்கால்வாசி இந்த மாதிரி தியாகங்களுக்காக தான், ஒருவேளை வேற வேலையா பசங்கல பாக்க போனோம்னா அங்க ஒரு விசயத்த கவனிச்சு பாத்திங்கன்னா தெரியும், எப்படி சரக்கு அடிக்கிற நேரத்துல யாருன்னே தெரியாம ஒருத்தன் கூட ரொம்ப தெரிஞ்ச மாதிரி பேசுவானுங்களோ, அதே மாதிரி லவ் பண்ற பசங்களும் இன்னொரு லவ் பண்றவன் கூட யாருன்னே தெரியலைனாலும் ரொம்ப சகஜமா பழகிகிட்டு என்னமோ ரெண்டு நாட்டு தலைவர்ங்க எல்லை பிரச்சனைய பத்தி பேசிக்கிற மாதிரி சீரியசா டிஸ்கஸ் பண்ணிகிவானுங்க. ஏன்னா இனம் இனத்தோட சேருதாம். இங்கேயும் நாம சப் டைட்டில் போடாத இந்தி படம் பாக்குற மாதிரி நடுவுல உக்காந்து புரியாம வாயதான் பாக்கனும்.

5) இது தான் உச்சக்கட்டம், லவ் பண்ற அவங்க ரெண்டு பேருக்கும் நடுவுல எதாவது தகராறு வந்தா உடையிறது நம்ம மண்டை தான். என்னமோ பரம்பரை பரம்பரையா நடக்குற பங்காளி சண்டை மாதிரி அடிச்சிக்குவாங்க. இதுல சண்டைக்கான காரணத்துல ஆரம்பிச்சு அலசி,துவைச்சு,புளிஞ்சு கடைசியில காய வைக்கிற வரைக்கும் எல்லா கட்டப்பஞ்சாயத்தும் நாம தான் நீயா நானா கோபிநாத் மாதிரி செய்யனும்.. 'தொடர்ந்து பேசுவோம் லயன் டேட்ஸ் சிரப்'னு விளம்பர இடைவேளை கூட விட முடியாது. விசு பட டயலாக்கெல்லாம் பேசி "சமாதானமா போங்கடா கண்ணா"ன்னு சாந்தப்படுத்தனும்.  

6) ஒருவேளை அந்தப் பொண்ணு வேலை பாக்குற இடத்துலையோ, இல்ல மாமன் பையன்,அத்தை பையன் பிரச்சனையோ அல்லது வீட்டுலையோ கல்யாணம் பேச ஆரம்பிச்சிட்டாலோ நம்மல கேக்காமையே நம்மல கமிட் பண்ணிருவாய்ங்க. தல கவுண்டமணி, "கசாப்பு கடையில எல்லாம் ஆட்ட கேட்டுட்டுதான் வெட்டுறாய்ங்களா, அது மாதிரி தான்"னு சொல்ற மாதிரி  நாம எனி டைம் ஒரு "ஸ்கார்ப்பியோ" புக் பண்ணிட்டு "சம்போ சிவசம்போ"ன்னு ரெடியா இருக்கனும்.

7) ஒருவழியா இவங்க லவ் மேட்டர் வீட்ல என்னைக்காவது தெரிஞ்சிரும், அப்படி தெரிஞ்ச அவ்ளோதான் அதுல இருந்து அவங்க அப்பா அம்மா நம்மல எதோ அக்னி நட்சத்திரம் படத்துல பிரபுவும்,கார்த்திக்கும் பாத்துக்குற மாதிரி பாக்குறப்ப எல்லாம் "ஸ்லோ மோஷன்"ல மொறச்சிகிட்டே போவாங்க. நம்ம தல கவுண்டர் , "ஆமா இவன் ஒன்னும் தெரியாத கன்னிப் பொண்ணு தூக்கிட்டு போயி கெடுத்துட்டோம்"னு சொல்ற மாதிரி ஒன்னும் தெரியாதவைங்கள நாம தான் லவ் பண்ணுடா மவனேன்னு அனுப்பி வச்ச மாதிரி கொடுரமா பாப்பாங்க. இதையெல்லாம் விட கொடுமை ஒருவேளை அந்த லவ் பண்ண பொண்ணுக்கும் பையனுக்கும் வீட்டுலையே ஒத்துகிட்டு கல்யாணம் பண்ணி வச்சாலும் நம்ம மேல உள்ள 'க்ரைம் ரேட்'ட மட்டும் குறைச்சுக்கவே மாட்டாங்க.

8) இதவிட என்னொரு பேராபத்து இருக்கு..அதாவது கல்யாணத்துக்கு ரெண்டு பேரு வீட்டுலையும் ஒருவேளை ஒத்துக்கலைனா, அவனுங்களவிட பாதிப்பு நமக்கு தான் அதிகமா இருக்கும். அந்தப் பொண்ண சமாதானப்படுத்தி, அவங்க வீட்டுல பேச்சு வாங்கி, கூட இருக்குறவன் தொல்லைய தாங்கி,அவன் வீட்டுல பேச்சு வாங்கின்னு நாலா பக்கமும் தாக்குவாங்க.எல்லாத்தையும் சமாளிக்கனும். இதுல லவ் மேட்டர் வீட்டுல தெரிஞ்சு அவங்க ஒத்துக்குற வரைக்கும் உள்ள இடைப்பட்ட காலம் இருக்கே அது தான் நமக்கு உச்சக்கட்ட சோதனை காலம். நாம assignment சப்மிட் பண்ணாம இருக்குறப்போ, க்ளாஸ் முடியிற நேரம், வாத்தியார் ஒவ்வொரு benchஆ கரெக்ட் பண்ணிட்டு வரும்போது நம்ம கிட்ட வர்றதுக்கு முன்னாடி பெல் அடிக்காதான்னு இருக்குமே அப்படி ஒரு ஃபீலிங்...அடிவயிற்றில் எப்பவுமே ஒரு கலக்கம் இருந்துகிட்டே தான் இருக்கும். இதுல நடுவுல நம்மாளோட கூட வேலை பாக்குறவன் மூணாம்கட்ட, நாலாம்கட்ட ஃப்ரெண்டு எல்லாம் வந்து அவனுக்கு அட்வைஸ் பண்றேங்குற பேர்ல வீட்டுல ஒத்துக்கலனா தனியா கிளம்பிரு மச்சி, உன் வாழ்க்கை உன் உரிமை'ன்னு கல்யாண் ஜுவலர்ஸ் பிரபு மாதிரி உசுப்பேத்தி விட்ருவானுங்க. எல்லாத்தையும் கேட்டுட்டு எந்த நேரத்துல என்ன முடிவெடுப்பான்னு நமக்கு ஒவ்வொரு நிமிசமும் எதோ திரில்லர் படம் பாக்குற மாதிரியே இருக்கும். எதையும் அவன் மண்டையில் ஏற விடாம லூசுத்தனமா எதாவது செய்யவும் விடாம ஐசியூ வார்டு நர்ஸ் மாதிரி 24 மணி நேரமும் கவனிச்சிகிட்டே இருக்கனும்.

இந்த மாதிரி எல்லா கட்டத்தையும் தாண்டி அவங்களுக்கு நல்லபடியா கல்யாணம் ஆகி முடியறதுக்குள்ள நாம படுற பாடு இருக்கே.  சைட் அடிக்கும்போது கூட நிக்கிறதுல இருந்து கல்யாணத்து அன்னைக்கு மேடையில கூட நிக்கிற வரைக்கும் அவய்ங்க கதையில நாம தான் "ஹைலைட்"டா இருப்போம். இப்படி நண்பனுக்காக எல்லாத்தையும் பொறுத்துகிட்டு, சமாளிச்சிகிட்டு அவன தெம்பேத்தி விட்டு தைரியமா 'லவ் பண்ணுடா மவனே'னு சொல்ற மாதிரி நண்பர்கள் இருக்குற வரைக்கும் லவ் பண்றவன் தைரியமா நிம்மதியா இருப்பான். நாம பொலம்பிகிட்டே செய்ய வேண்டியத செஞ்சிட்டு தான் இருப்போம்.

மூன்று பிரதமர்களும் முக்கிய அம்சங்களும்

கொஞ்ச காலத்துக்கு முன்னாடி நம்ம ஊருல இருந்த ஒரு ஹாட் டாபிக்னா அது அடுத்த சூப்பர் ஸ்டார் யாருங்குறது தான். அதுக்கு ஆயிரம் அடிதடி நடந்து இன்னும் முடிவு தெரியாம ஆளாளுக்கு நான் தான் அடுத்த சூப்பர்ஸ்டார்னு சொல்லிகிட்டு ஓட்டிகிட்டு இருக்காங்க. அது மாதிரி இப்ப ஒரு லேட்டஸ்ட் ட்ரெண்ட் என்னனா அடுத்த பிரதமர் யாருங்குறது தான். எனக்கு தெரிஞ்சு இதுவரைக்கும் எந்த கட்சி ஜெயிக்கும்னு தான் போட்டி வந்திருக்கு ஆனா இப்பதான் தேர்தலுக்கு முன்னாடியே இத்தன பிரதமர் வேட்பாளர்கள் நமக்கு கிடச்சு அதுக்கு போட்டி நடந்திட்டு இருக்கு. ஆல் இந்தியா லெவல்ல லிஸ்ட் ரொம்ப நீளம்கிறதால நமக்கு தேவையான முக்கியமான லிஸ்ட்ட மட்டும் பாப்போம். நம்ம ஊருல ஹைலைட்டான மூனு பேரு, இதுல மோடியும் ராகுலும் இந்திய லெவல் போட்டி இடையில புகுந்து ட்விஸ்ட் கொடுத்தது நம்ம "அட்மினிஸ்ட்ரேட்டர் அம்மா" ஜெயலலிதா.

     மோடி, இந்திய அரசியலின் பவர்ஸ்டார். நம்ம தமிழ் சினிமாவுல பவர் ஸ்டார் எப்படி திடீர்ன்னு உள்ள புகுந்து அதிரடி விளம்பரத்தால அதிரவச்சாரோ அதே மாதிரி தான் மோடியும், முழுக்க முழுக்க மீடியா 'ஹைப்'னாலையே பிரபலமாயிட்டாரு. நம்ம மீடியாவ பத்தி தான் தெரியுமே குதிரையா குரங்காவும் காட்டும், குப்பைய குதிரையாவும் மாத்தும். குஜராத் கலவரத்தையும், சிறுபான்மையினருக்கு செய்த துரோகத்தையும் முழுசா மூடி மறச்சு குஜராத்தை என்னமோ அவரு மட்டும் தான் வடிவமச்ச மாதிரி விளம்பரபடுத்திட்டு இருக்காங்க. ராஜபக்சே மாற்று இன மக்களுக்கு எதிரா செய்த்த படுகொலையை விட மோடி சொந்த நாட்டு மக்களுக்கு செய்த துரோகம் பெரிசு. கரன் தப்பார் எடுத்த பேட்டி ஒன்ன பாத்தாலே போதும், முதல்வன் ரகுவரன் மாதிரி செம பெர்ஃபார்மன்ஸ் போடுவாரு. இதுல வேற மோடி இளைஞர்களின் நம்பிக்கை முகம், அலை வீசுது, நாத்தம் வீசுதுனு பில்டப் கொடுக்குறானுங்க, நடுவுல வேற ட்விட்டர், ஃபேஸ்புக்ல எக்கசக்கமா ஆதரவு மோடிக்கு தான் இருக்கு அவங்க எல்லாம் ஓட்டு போட்டாலே மோடி பிரதமர் ஆகுறத யாரும் தடுக்க முடியாதுன்னு எஃபக்ட் கொடுத்தாங்க. இத சொல்லும் போது ஒரு பேட்டியில எனக்கு நம்ம பவர்ஸ்டார் ,"நான் நெனச்சா நாளைக்கே என் ரசிகர்கள் 50லட்சம் பேர கடற்கறையில கூட்டி காட்டுறேன் சார்"னு சொன்னாரு அதான் ஞாபகம் வருது. கள்ள ஓட்டு போடுறதுக்கு ஆள் வச்சிருப்பாங்கன்னு கேள்வி பட்ருக்கேன் ஆனா கள்ள லைக் போடுறதுக்கு ஃபேக் ஐடி வச்சிருக்கிற ஆள இப்பாதான் பாக்குறேன். சரி அப்படி என்னதான்யா நிர்வாகத்திறமையால என்ன தான் சாதிச்சிட்டாருன்னு பாத்தா இந்தியாவுல உள்ள மாநிலங்கள்ல வளர்ச்சி சதவிகிதத்துல குஜராத் ஒன்னும் அவ்ளோ சிறப்பா இல்ல. பல மடங்கு பின் தங்கிய பீகார் முதல் இடத்துல இருக்கு. ஆனா மீடியா அதையும் பில்டபோட சொல்லி ஊர ஏமாத்துறாங்க. நம்மாளு மோடியும் டீ கடையில உக்காந்து அரசியல் பேசுறது, பஞ்ச் டயலாக் விடுறதுன்னு என்னென்னமோ கம்பு சுத்தி காட்டுறாரு..பாப்போம்.



அடுத்து நம்ம ராகுல் காந்தி. ஒரு நாள் டி.வியில ஒரு விளம்பரத்துல ஒரு இளைஞர் வந்து டப்பிங் பண்ண விளம்பரம் மாதிரி பேசிட்டு இருந்தாரு.. ஏதோ டப்பிங் பண்ண அரசாங்க விளம்பரமோ, இல்ல சக்தி மசாலா விளம்பரமோன்னு நெனச்சா திடீர்னு ராகுல், சோனியா,மன்மோகன் எல்லாம் என்ட்ரி ஆகுறாங்க..அப்புறம்தான் தெரியுது அது காங்கிரஸ் கட்சிக்கு விளம்பரம்னு.. காங்கிரஸ் நிலமை இப்படி ஆயிருச்சே..இனிமே ராகுல் தான் நம்ம 'டான்' இவரு கைல தான் எல்லாரும் முத்தம் தரனும்னு காங்கிரஸ் காரங்க மைண்ட் செட்டானங்க. இவரும் இளைஞர் காங்கிரஸ் அது இதுன்னு ஆரம்பிச்சாரு, அப்பதான் தேர்தல் வந்துச்சு நம்மாளும் குடிசைக்கு போய் சப்பாத்தி சாப்பிடுறது, கயித்து கட்டில்ல உக்காந்து காத்து வாங்குறதுன்னு என்னென்னமோ பண்ணாரு கடைசியில எல்லாம் புஸ்குனு போயிருச்சு. குடிசைக்கு போய் சப்பாத்தி சாப்புட்டு ஓட்டு கேக்க மறந்துட்டாரு போல, மக்களும் பாவம் புள்ளைக்கு பசி போலன்னு சப்பாத்திய போட்டுட்டு ஓட்டு போடாம விட்டாங்க. பெருசுங்க எல்லாம் நாங்களா போய் கை காலுல விழுந்தா கூட ஓட்டு போட்ருபாய்ங்க, உன் பேச்ச கேட்டு இப்படி ஆயிருச்சேன்னு கடுப்பாயிட்டாங்க.  இப்ப நடுவுல சும்மா இருக்காம பேட்டி கொடுக்க போறேன்னு போய் அங்க எந்த கேள்வி கேட்டாலும் நம்ம வடிவேலு மாதிரி "என்ன கைய புடிச்சு இழுத்தியா??"ன்னு சொன்னதையே திருப்பி திருப்பி சொல்லிட்டு கிளம்பி வந்துட்டாரு. அப்பதான் காங்கிரஸ்க்கு தெரிஞ்சிச்சு போல இந்தாளு சிரிப்பு போலீஸ்னு. தம்பி நீங்க ஒதுங்கிக்குங்க நாங்க பாத்துக்குறோம் ஜெயிச்சா உன்ன ஆட்டையில சேத்துக்குறோம்னு சொல்லி அமைதி படுத்திருக்காங்க. மன்மோகன் சிங், மனுசன் அவரு பாட்டுக்கும் வெள்ளை சட்ட போட்டுகிட்டு நிதி அமைச்சரா டீசண்டா இருந்தாரு, அவர கொண்டு வந்து பிரதமர் ஆக்கிவிட்டு இண்டர்நேசனல் லெவல்ல நாரடிச்சிட்டாய்ங்க. இனிமே கூல்ட்ரிங்க்ஸ் குடிக்கும் போதெல்லாம் எனக்கு அந்த ஞாபகம் தானடா வரும்னு ஃபீல் பண்ணிட்டு கிளம்பிட்டாரு. இப்ப பிரதமர் வேட்பாளர் யாருன்னு அவங்களுக்கு தெரியாது நமக்கும் தெரியாது.

கடைசியா நம்ம லோக்கல் ஸ்டார் ஜெயலலிதா. தெரிஞ்சிக்குங்க மக்களே, நாப்பதுக்கு நாப்பது ஜெயிச்சாலும் அது எப்படி பிரதமர் ஆக முடியும்னு யாரும் லாஜிக்கல் கொஸ்டின் கேக்க கூடாது. அவங்க சொன்னத கேட்டுக்கனும். தல கவுண்டமணி சொல்ற மாதிரி "பழனிச்சாமி என்ன தைரியத்துல நீ இப்படியேல்லா பேசுற"ன்னு எல்லாம் கேக்க கூடாது. நமக்கு தமிழ்நாட்ட நிர்வாகிக்கறதுக்கே ஒரு மாசத்துக்கு ரெண்டு மாசம் ஓய்வு கேக்குது. இதுல டெல்லி ஆசை எதுக்கு?? இங்க எல்லாம் சாதிச்சு முடிச்சிடாங்களாம் அடுத்து இப்ப இந்தியா மானத்தை நான் தான் காப்பாத்துவேன்னு கிளம்பிட்டாங்க. ஆபிஸ்ல ஒரு தடவை இந்த பேச்சு வந்தப்ப கூட வேலை பாக்குற ஒரு பொண்ணு அம்மா பிரதமர் ஆனா தான் நல்லா இருக்கும்னு சொன்னாங்க.அப்படி என்னதாங்க அந்த அம்மா பண்ணிருக்குன்னு கேட்டேன், யோசிச்சு யோசிச்சு பாத்து கடைசியில அவங்க நல்ல அட்மினிஸ்ட்ரேட்டர்னு சொன்னாங்க. ஏங்க ரெண்டு மணி நேரம் சொல்லிட்டு கரெண்ட நிறுத்துனாங்க இந்தம்மா வந்து ரெண்டு மணி நேரம் தாண்டா எங்க ஊர்ல கரெண்டே விட்டுச்சுன்னு சொன்னா,"பொய் சொல்லாதிங்க பாஸ், நாலு மணி நேரம் தான் கரெண்ட் கட் ஆச்சு'ன்னு சொல்றான் இன்னொரு சென்னை பையன். ரெண்டு வருசமா தமிழ்நாடே இருள்ல மூழ்கி இருந்தது கூட தெரியாம அட்மினிஸ்ட்ரேட்டர்னு அரைகுறையா உளறிட்டு இருக்காங்க நம்ம பசங்க. நல்ல அட்மினிஸ்ட்ரேட்டர்னு குருட்டுத்தனமா சொல்றவங்களுக்கு இப்போ வந்த GDP ரிப்போர்ட்ல அட்மினிஸ்ட்ரேட்டர் அம்மா தமிழகத்த எங்க கொண்டு போய் விட்ருக்காங்க தெரியுமா?? ஒலிம்பிக் பதக்க பட்டியல்ல இந்தியா பேரு மாதிரி கீழ கிடக்கு. 2009ல் திமுக ஆட்சியில் 10.8% இருந்த வளர்ச்சி விகிதம் பின் 2010ல் திமுக ஆட்சியில் 13.8ஆக உயர்ந்தது. பின் 2011-2012 ஜெயலலிதா ஆட்சியில் 7.42 ஆக  சரிந்த வளர்ச்சி விகிதம் இப்போது 2013ல் 4.14% ஆகக் குறைந்து அதலபாதாளத்தில் விழுந்து கிடக்கிறது (அட்மினிஸ்ட்ரேட்டர்னு சொல்ற பல பேருக்கு GDP என்ன, எதுக்குனே தெரியாது). இதெல்லாம் நம்ம பசங்களுக்கு தெரியாது,காரனம் ஊடகம். ஒன்னுமே செய்யாம எல்லாமே செஞ்சு சாதிச்ச மாதிரி பில்டப் கொடுத்து ஏத்தி விடுறதே இவங்களுக்கு பொழப்பு.

நம்ம ஆளுங்களும் இந்தம்மா அறிவிக்கிற திட்டங்கள நம்பி என்னமோ நெறைய நன்மை செய்யிறதா நெனச்சிகிட்டு ஏமாந்து போறாங்க. சுருக்கமா சொல்லனும்னா வானத்தை போல படத்துல செந்தில் பிச்சகாரனுக்கு இட்லி,வடை,தோசைன்னு கட்டி தர சொல்லுவாரு அதுக்கேத்த மாதிரி அந்த பிச்சக்காரனும் மகராசா,எசமான்,நூறு வருசம் இருக்கனும் வாழ்த்துவாரு, கடைசியில ஒன்னுமே தராம செந்தில் பிச்சக்காரன்கிட்ட, ஏண்டா நீ சொன்னதெல்லாம் எனக்கு நடக்கவா போகுது,உன் மனசுக்கு சந்தோசமா நான் சொன்னேன், என் மனசுக்கு சந்தோசமா நீ சொன்ன அவ்ளோதான் கிளம்புன்னு சொல்லுவாரு. அதே கதை தான் தமிழக மக்களுக்கும், ஜெயலலிதாவும்.
செந்தில் ஜெயலலிதா அறிவிக்கும் திட்டத்துக்கு (அறிவிப்பு மட்டுமே) நம்மாளுங்களும் அன்னலெட்சுமி,வீரலட்சுமி,ஈழத்தாய் அது இதுன்னு அகராதியில இருக்குற எல்லா பட்டத்தையும் கொடுப்பாங்க, கடைசியில நீங்க என்ன அடுத்த தடவ எனக்கா ஓட்டுப் போட போறிங்க உங்களுக்கு செய்யிறதுக்குன்னு சொல்லிட்டு கொடநாட்டுக்கு கிளம்பிருவாங்க. இதுக்கும் வக்காலத்து வாங்குவானுங்க நம்மாளுங்க, கொடநாடு தமிழ் நாட்டுல தான இருக்கு அங்க இருந்து முதல்வர் அலுவலக வேலை செய்யலயான்னு லா பாயிண்ட் பேசுவானுங்க.
என்னயா டிக்கெட் எடுக்காம கக்கூஸ்லையே உக்காந்து போற மாதிரி சொல்றிங்க. டிக்கெட் எடுத்தவன் நல்லா சீட்ல உக்காந்து போக வேண்டியது தான.. எப்பவுமே கக்கூஸ்ல இருக்குறதுக்கு எதுக்கு டிக்கெட் எடுக்கனும். (படிக்காதவன் படத்தில் விவேக் ட்ராக்). அப்படி முடியாத பட்சத்துல எதுக்கு கஷ்டப்பட்டு முதல்வரா இருக்கனும் போய் முழுசா ஓய்வு எடுக்க வேண்டியது தான.

ஆகமொத்ததுல ஒன்னு தெளிவா தெரியுது ஒருகாலத்துல கிராமத்து மக்கள சினிமாவ காட்டி ஓட்டு வாங்குன மாதிரி இன்னைக்கு இளைஞர்கல மீடியா விளம்பரத்த காட்டி ஏமாத்தி ஓட்டு வாங்க பாக்குறாங்க. இவங்களுக்கு போடுங்க அவங்களுக்கு போடாதிங்கன்னு சொல்லல,யாருக்கு போட்டாலும் கொஞ்சம் முன்ன பின்ன யோசிச்சு, விசயத்தை,விளைவுகளை,நிகழ்வுகளை எண்ணி முடிவு பண்ணுங்க.

முகநூல் கஜினி -2 : ஜிம் பாய்ஸ்

2011 சட்ட்மன்ற தேர்தலுக்கு அப்புறம் ஆட்சி மாற்றம் ஆனது கூட தெரியாம தொடர்ந்து திமுகவையும் கலைஞரையுமே திட்டிட்டிகிட்டும் குறை சொல்லிகிட்டும் இருந்த இந்த முகநூல் கஜினிகளான நடுநிலைவாதிங்களோட சுயரூபம் பல் இளிக்க ஆரம்பிச்சிருச்சு. அதாவது இத்தன நாளா நடுநிலைங்குற போர்வையில "கஜினி பாய்ஸா" இருந்து திட்டிகிட்டு இருந்துவனுங்க எல்லாம் இப்ப "ஜிம் பாய்ஸா" மாறி முழு நேர தொழிலே அதிமுக ஜால்ராவுமாகவும், திமுக, கலைஞர் எதிர்ப்பையும் கையில எடுத்திருக்காய்ங்க.

                                     
இவனுங்களுக்கு வேலையே ஆளும் கட்சிக்கு ஆதரவா இருந்து ஜால்ரா அடிக்கிறதும், கூலிப்படை மாதிரி செயல்படுறதும் தான். அதாவது ரகுவரன், நாசர் மாதிரி பிரதான வில்லன்களா வராம பொன்னம்பலம், தளபதி தினேஷ் மாதிரி அடியாட்களா வர்றது தான் இவனுங்க பொழப்பே. திமுககாரன் அதிமுகவை பத்தி விமர்சிச்சா போதும், எப்படி முதலாளிய எவனாச்சும் எதிர்த்து பேசுனா முதலாளியயோட நாய் முந்திகிட்டு கடிக்கப் போகுமோ  அது மாதிரி, அதிமுக காரன விட அதிக ரோசம் இவனுங்களுக்கு தான் பொத்துகிட்டு  வரும். ஆனா இந்த ரோசத்தையும் கடமை உணர்ச்சியையும் ஆளும் கட்சிக்கும் அதோட ஜால்ரா கட்சிங்களுக்கும் தான் காட்டுவானுங்க. இவனுங்க பரப்புற அவதூறுக்கும், நக்கலுக்கும் நாம பதிலடி கொடுத்து அவனுங்க பேச முடியாம ஆயிருச்சுனா உடனே இந்த கஜினி தலையனுங்களா ஆகட்டும், தமிழ்தேசிய போலிகளாகட்டும் ஒரே பதில தான் சொல்லுவானுங்க "எங்க குடும்பமும் ஒரு காலத்துல பயங்கர திமுக தான். இப்பதான் மாறிட்டோம்."னு சொல்லுவாய்ங்க. இப்ப எய்ட்ஸ் வந்தவன் எல்லாம் ஒருகாலத்துல நல்லா இருந்தவந்தான்.. அதுக்காக?

                                         

இதெல்லாம் விடக் கொடுமை இவனுங்க பேசுற லாஜிக் இருக்கே பேரரசு படமே தோத்துரும். ஈழ விசயத்துல வைகோ, நெடுமாறனோட சுயநலத்த ஆதாரத்தோட சுப.வீ சொன்னாருன்னு எடுத்து சொன்னா, "அவரு கலைஞர் ஜால்ரா அப்படி தான் சொல்லுவாரு"ன்னு சொல்றானுங்க. ஏண்டா அப்போ உங்களுக்கு புள்ள பொறந்தவுடன தூக்கிட்டு வந்து காட்டுற நர்சு கூட உங்களுக்கு பிடிக்கலன அது உங்க புள்ள இல்லன்னு சொல்லிருவீங்களா?? என்னங்கடா உங்க நியாயம்?? எல்லாத்தையும் ஆதாரத்தோட, அந்த காலத்துல வந்த பேப்பர் செய்திகளோட புட்டுபுட்டு சொல்ற சுப.வீ கலைஞரோட ஜால்ராவா இல்ல ஒன்னுமே பண்ணாத ஜெயலலிதா ஆட்சிய போட்டி போட்டுகிட்டு பாராட்டுற சரத்குமார், தா.பாண்டி, சோனா சாமி, சூனா சாமி, வைகோ சாமி இவங்கெல்லாம் ஜால்ராவா??

திமுக ஆட்சியில எப்பவாது கலைஞர் எதாவது நிகழ்ச்சிகள்ல கலந்துகிட்டத வச்சு இன்னைக்கு வரைக்கும் அவரு ஆட்சியில மானாட மயிலாட பாத்தாரு, மேட்சு பாத்தாருன்னு நக்கலடிக்கிறீங்களே இங்க ஒரு அம்மா ஆவூன்னா டூருக்குப் போறாங்களே அதப் பத்தி எவனாவது கேள்வி கேக்குறீங்களாடா? ஸ்கூல் பசங்களுக்கு கூட quarterly, half yearly லீவ் மட்டுந்தான். இந்தம்மாவுக்கு எப்பவுமே annual leaveஆல இருக்கு. கூடவே போயி பேனாவுல மை ஊத்தி கொடுத்த மாதிரி அங்கேயும் அலுவலக பணிகளை அம்மா பார்த்துக் கொண்டிருக்கிறார்னு சத்தமா மணி அடிக்கிறானுங்க சில பேரு.
அதவிட வேற கட்சியில இருந்து திமுகவுக்கு எவனாவது வந்தாலும் கலைஞர தான் திட்றானுங்க திமுகல இருந்து எவனாவது வெளிய போனாலும் கலைஞர தான் திட்றானுங்க ஆனா எதிர்க்கட்சியான தேமுதிகவை இப்ப பாதி பட்டா போட்டு வச்சிருக்கிற அதிமுகவையோ ஜெயலலிதாவையோ மட்டும் ஒருத்தனும் ஒன்னும் பேச மாட்டான் கேட்டா அது அரசியல் தந்திரம்னு சொல்லுவானுங்க. டேய் இதுக்கு பேசாம அதிமுகல உறுப்பினர் அட்டை வாங்கிட்டு போயி குனிஞ்சு நிக்கலாம்ல.

எனக்கு தெரிஞ்சே 15 வருசமா ஒரு வழக்கு நடந்துகிட்டு இருக்கு அதுல முக்கிய குற்றவாளியா, நூற்றுக்கணக்கா வாய்தா வாங்கி வாங்கி சொத்துக்குவிப்பு வழக்க வாய்தா குவிப்பு வழக்கா மாத்தி அந்த வழக்க விசாரிச்ச நீதிபதியே கடுப்பாகி வழக்குல இருந்து ஒதுங்குற அளவுக்கு டார்ச்சர் பண்ண ஒரு ஈழத்தாயை, காவிரித்தாயை பத்தி பேச வக்கு இல்லாத பயலுங்களும், பத்திரிக்கைகளிலும், ஊடகங்களும் 85 வயதான உடல்நிலை சரியில்லாத, வெறும் அரசு சாட்சியாக மட்டுமே சேர்க்கப்பட்டுள்ள தயாளு அம்மாவை கலைஞர் மனைவி என்ற ஒரே காரணத்துக்காக அட்டை படத்தில் போட்டு நக்கல் பண்ண மட்டும் தைரியம் எல்லா ஓட்டை வழியாகவும் பொங்குதே.... உங்களுக்கெல்லாம் கொஞ்சமாச்சும் வெக்கம், மானம் இருக்காடா?..அது சரி இரட்டை இலைய பறக்கும் குதிரை இறக்கைன்னு சொன்னா ஆமா போடுற கோஷ்டிங்க கிட்ட எப்படி இதெல்லாம் எதிர்பார்க்க முடியும்.

கடைசியா ஒன்னு, அது என்னங்கடா கலைஞர பத்தி எழுதும் போது மட்டும் கருணா, கருநாகம், துரோகி, அவன், இவன்னு இன்னும் என்னென்னமோ அசிங்கமா எழுதுறீங்க ஜெயலலிதாவ விமர்சிக்க மட்டும் ரொம்ப போனா பெண்மனி, அந்தம்மா, அது, இதுன்னு மட்டும் எழுதுறீங்க.  கலைஞர திட்டுனா எந்த பாதிப்பும் இல்ல ஒன்னும் பண்ணமாட்டார்ன்னு தைரியம். ஜெயலலிதாவ திட்டுனா என்னவாகும்னு மனசுல பயம் இருக்குல. தைரியமா தங்கள் நிலையை அடையாளம் காட்டிக்கொள்ளாதவன் தான் நடுநிலை போர்வையோட ராப்பிச்சைக்காரன் மாதிரி சுத்துவான்.அதுக்காக திமுக பண்றது எல்லாம் சரி அதுனால அவங்கள மட்டும் தான் ஆதரிக்கனும்னு சொல்லல, திமுகவை விமர்சிக்கிறதுல பத்து விழுக்காடாவது ஆளும் கட்சியை விமர்சிக்க தைரியம் இருக்கான்னுதான் கேக்குறேன். இருந்தா கேளுங்க.  இல்லெனா... மூடிட்டு........

                                     



முகநூல் கஜினிகள் : http://kedibilla.blogspot.in/2012/09/blog-post_13.html

மலிவு விலை அரசு..!!

                                    

தமிழகத்தில் இன்றைய தேதியில் அதிகம் உபயோகிக்கும் வார்த்தை 'மலிவு'. விலைவாசி ஏற்றத்தை கட்டுப்படுத்த, சீர்படுத்த இன்றைய அரசு கையாளும் முறை "மலிவு விலை கடைகள்". மலிவு விலையில் உணவகம்,மலிவு விலையில் காய்கறி கடை,மலிவு விலை தண்ணீர் இப்போது மலிவு விலையில் குடிநீர். இப்படி எல்லாத்தையும் மலிவு விலையில் கொடுப்பதால் மேலோட்டமாக இந்த விசயத்தை பார்க்கும் போது மக்களுக்கு ஏதோ நல்லது போன்று தான் தெரியும்,ஆனால் உள் சென்று பார்த்தால் தான் இந்த திட்டங்களின் சுயரூபம் தெரியும்.

அம்மா உணவகம், அத்தியாவசிய பொருட்களின் விலை ஏற்றத்தால் மக்கள் அவதி பட்டுக்கொண்டிருந்த நேரத்தில் அரசின் அதிரடி அறிமுகம் தான் இந்த "அம்மா உணவகம்". இட்லி 1 ரூபாய், சாம்பார் சாதம் 5 ரூபாய், தயிர் சாதம் 3 ரூபாய்க்கு (அவா ஆட்சியில சாதம் தான் போடுவா.. நமக்கு சோறுன்னா தான் இறங்கும்.) விற்கப்படுகின்றன. இப்போ விலைவாசி ஏற்றத்துக்கும் இந்தத் திட்டத்துக்கும் என்ன சம்பந்தம்?? எல்லாரும் கடையிலையே போய் சாப்பிடுங்க வீட்டுல சமைக்காதிங்கன்னு சொல்றாங்களா? இப்படி எல்லாரும் வீட்ல பொண்டாட்டி புள்ளையோட போய் தினமும் அம்மா உணவகத்துலையே சாப்பிடதான் முடியுமா? சரி இந்த கோணத்துல யோசிச்சு பாருங்க அந்நிய நேரடி முதலீடுக்கும் இதுக்கும் ஒன்னும் பெரிய வித்தியாசம் இல்ல. அந்நியன் எப்படி அன்னாச்சியை நொடிக்க வச்சிருவான்னு நாம கவலை பட்டோமோ அது போல தான் இன்னைக்கு அம்மா ஆயாவை நொடிச்சு போக வைக்கிறாங்க. விலை அதிகமாக உள்ள பொருட்களை அரசு கொள்முதல் செய்து குறைந்த விலையில் மக்களுக்கு விநியோகம் செய்தாலாவது எதாவது பயன் இருந்திருக்கும்.

                                           

காய்கறி விலைகள் படு பயங்கரமாக உயர்ந்திருக்கும் நேரத்தில் தமிழக அரசு சரியான ஒரு திட்டத்தை தொடங்கியுள்ளது..அதுதான் மலிவு விலை காய்கறி அங்காடி. அதென்ன மலிவு விலை காய்கறி அங்காடின்னு பாத்தோம்னா பேரு மட்டும் தான் புதுசு திட்டம் பழசுதான். விளைவித்த உழவர்கள், இடைத்தரகர்கள் சுரண்டல் இல்லாமல் நேரடியாக மக்களிடம் விற்க வகுத்த அருமையான திட்டமான திமுக அரசால் ஆரம்பிக்கப்பட்ட உழவர் சந்தை திட்டத்தை வேறு வழியின்றி நியூமராலஜி பார்த்து தூசி தட்டி புதுசா இவங்களா ஆரம்பிச்ச மாதிரி மேக்கப் பண்ணது தான் இந்த மலிவு விலை அங்காடி. மெட்ரோ ரயில், சமச்சீர் கல்வி,வரிசையில் இப்போது வேறு வழியின்றி தங்கள் ஆட்சியில் முடக்கிப்போட்டிருந்த திமுக திட்டமான உழவர் சந்தை திட்டத்தை இன்றைய அதிமுக அரசு கையிலெடுத்திருப்பது மக்களுக்கு நல்ல விசயம் தான். இந்த அங்காடிகள் இப்போது நல்ல முறையில் தான் செயல் படுகிறது மற்ற கடைகளை விட குறைந்த விலையில் காய்கறி கிடைக்கின்றது,மக்களிடம் நல்ல வரேவேற்பு கூட்டமும். ஆனால் ஆரம்பிக்கப்பட்ட கடைகள் தமிழ்நாடு முழுக்க ஒரே நேரத்தில் தொடங்கப்பட்டிருந்தால் மக்கள் பயன் அடைந்திருப்பார்கள்.மொத்த தமிழ்நாட்டிற்கும் சேர்த்து சென்னை மற்றும் புறநகரில் மட்டும் 31 கடைகள் திறந்தது எந்த விதத்தில் நியாயம்?

ஒருவேளை படிப்படியாக திறந்தால் எல்லா ஊருகளுக்கும் சென்றடைவதற்குள் விலை இன்னும் பல மடங்கு ஏறி விடும். உழவர் சந்தையும் தமிழ்நாட்டில் 250க்குள் தான் இருந்தது. ஆனால் அது சந்தை இது கடை.இரண்டிற்கும் வித்தியாசம் உள்ளது. ஒரு சந்தையில் 100 கடைகள் வரை இருக்கும் ஆனால் கடை என்பது ஒன்றே ஒன்று தான். மேலும் உழவர் சந்தை தமிழ்நாடு முழுவதும் இருந்தது. ஏழரை கோடி மக்களுக்கும் விலைவாசியை கட்டுபடுத்த சென்னையில் மட்டும் மலிவு விலை கடைகள் திறந்தது எப்படி சரியாகும்.? கூட்ட நெரிசல் மக்கள் அலைமோதுவார்கள், "வெள்ளத்தில் பிழைத்தவன் வெள்ள நிவாரன நிதி வாங்குவதில் நெரிசலில் சிக்கி இறந்தான்"என்பது போல் தான் ஆகும்.

                                               

அடுத்து மலிவு விலை குடிநீர்..இதுதான் இருப்பதிலேயே அபத்தமான ஒன்று. தன் மக்களுக்கு அதன் அரசே தரமான தண்ணீர் என்று விலைக்கு விற்பது எவ்வளவு பெரிய மோசம். மக்களுக்கு சுத்தமான குடிநீரை வழங்கவேண்டிய அரசே இப்போது காசுக்கு தண்ணீரை விற்கின்றது. ரிலையன்ஸ், டாடா போல தமிழ்நாடு அரசும் அவர்களுக்கு போட்டியாக இந்த அரசை ஒரு 'கார்ப்பரேட் கம்பெனி' போல நடத்தி வருகிறது.மக்கள் நலத்தில் அக்கறையோடு செயல் படாமல் லாபக்கணக்கை மட்டுமே மையமாக கொண்டு செயல்படுகிறது. ஒரு லிட்டர் குடி நீர் 10 ருபாய். அதுவும் பேருந்துகளிலும் பேருந்து நிலையங்களிலும் கிடைக்கும். அருமை. பேருந்தில் சென்ற் தண்ணீரை வாங்குவதற்கு கடையிலேயே வேறு தண்ணீர் பாட்டில் வாங்கிக்கொள்ள மாட்டார்களா?? பேருந்து கட்டணத்தியும் உயர்த்திவிட்டு அதில் தண்ணீர் பாட்டில் விற்பது பெரும் மோசடி.

மேலும் தண்ணீரை விலை கொடுத்து வாங்குவதே கொடுமை அதை அரசே செய்ய்வது இன்னும் கொடுமை. காசு கொடுத்து எல்லோரும் தண்ணோர் வாங்கி விட முடியுமா அல்லது அவர்களை போன்றவர்களுக்கு மட்டும் தான் இந்த அரசா? சாமானிய மக்கள்,ஏழை மக்களுக்கு தாகத்தை தனிப்பது யார் கடமை?

மின் கட்டணம் விண்ணைத்தொடும் வேளையில் இப்போ அதற்கு டெபாசிட்டும் பல மடங்கு உயர்ந்தப்பட்டு மக்களின் கழுத்தை நெறிக்கின்றது. மக்களிடம் அப்பட்டமாக பணத்தை பறிமுதல் செய்யும் மோசடித் திட்டம் இது. மின்சாரம் என்பது இன்று அத்தியாவசிய தேவையாகிவிட்டது. அப்படிப்பட்ட ஒன்றுக்கு இந்த ஆட்சியில் ஆயிரக்கணக்கில் டெபாசிட் வசூலிக்கப்படுகிறது. மின்சாரத்தை யாராவது வேண்டாமென எழுதி கொடுப்பார்களா?? என்றுமே பயன்படக்கூடிய மின்சாரத்திற்கு இவ்வளவு பெரிய தொகையை டெபாசிட் என்ற பெயரில் வசூலித்து மக்கள் தலையில் பாரத்தை ஏற்றுகின்றது இந்த அரசு.    இப்படி பேருந்து கட்டணம்,பால் கட்டணம் மின் கட்டணம் என மக்கள் மீது சுமையை ஏற்றி அரசு கல்லா லாபம் கட்டுவதுதான் இந்த அரசின் சாதனையா?? மக்களுக்கான அரசு தன் கஜானா காலியானாலும் மக்களுக்கு துன்பம் விலைவிக்காமல் திட்டம் வகுப்பதே சிறந்த அரசு. கடந்த திமுக அரசு கஜானாவை காலி பண்ணிவிட்டது எனக் கூறி அதை நிறப்பும் குறிகோளுடனையே இந்த அரசு மக்களை நசுக்கிறது.எல்லா பாரத்தையும் மக்கள் மீது சுமத்தி,எல்லா அத்தியாவசிய பொருட்களையும் விலை ஏற்றி அதன் மூலம் லாபம் ஈட்டுவதற்கு பெயர் அரசு அல்ல. இதைப்பற்றி எந்தக் கேள்வியாவது ஊடகங்களோ,பத்திரிக்கைகளோ கேட்டதுண்டா??கேட்குமா?

இது போதாதென்று திரையரங்குகளில் பத்து நிமிடங்களுக்கு மேல் தமிழக அரசின் சாதனைகள் என பட்டியலிடுகின்றன. அதில் அம்மா உணவகம்,யானைகளுக்கு இன்பச் சுற்றுலா தவிர காட்டப்படும் பெரும்பாலான சாதனைகள் திமுக அரசால் தொடங்கப்பட்டு செயல்படுத்தப்பட்டது.உதாரணத்திற்கு, இலவச பஸ் பாஸ், கடல் நீரை குடிநீராக்கும் திட்டம் போல இன்னும் பல. உண்மையில் இந்த ஆட்சியில் சுக போக வாழ்க்கை யானைகளுக்கு தான்.

ஆங்கிலத்தில் பேசி பேட்டி அளித்தால் போதும் ஊடகங்களும் சரி மக்களும் சரி அதுதான் நிர்வாகத்திறமை என வர்ணிக்கின்றனர். மக்கள் நலத்தை மனதில் கொண்டு திட்டம் வகுப்பதே சிறந்த ஆட்சியாகும்.அந்த வகையில் பார்த்தால் தமிழக மக்களால் தேர்ந்துடுக்கப்பட்ட இந்த அதிமுக ஆட்சி தன் திட்டம் போலவே மிகவும் மலிவான ஆட்சியை நடத்தி வருகிறது.தமிழக மக்கள் ஒவ்வொரு முறை அதிமுக அரசை தேர்ந்தெடுக்கும் போதும் ஏற்படும் இன்னல்களை விட இந்த முறை அதிக அளவில் அனுபவிக்க வேண்டிய நிலை உள்ளது. இதை சரி செய்ய இனிமேலாவது எதாவது உறுப்படியான "மக்கள் நல"த் திட்டத்தை இந்த அரசு செய்ய வேண்டும்.

ஓரம் போ... ட்ராஃபிக் கலாட்டா..!!

                                 

சமீபத்துல யாரோ சொன்னதை ஒரு நாளிதழ்ல படிச்சது,"ஒரு ஊருல மக்கள் எந்த அளவு பக்குவப்பட்டிருக்கிறார்கள் என்பதை அறிந்துகொள்ள அவர்கள் சாலையில் எப்படி வண்டி ஓட்டுகிறார்கள் என்பதை வைத்தே புரிந்துகொள்ளலாம்". அவரு சொன்னது சரியா தப்பான்னு தெரியல,ஆனா கண்டிப்பா சரியா இருக்கக் கூடாது இருந்துச்சுன்னா நம்ம ஊரு மாதிரி மட்டமான ஊரு உலகத்துலையே இருக்காது.ஏன்னா நம்ம ஊருல நெறைய பேருக்கு வண்டி எப்படி ஓட்டுறதுன்னு தெரியும்,ஆனா எப்படி வண்டிய ஒட்டுறதுன்னு தெரியாது.அதாவது accelerator கொடுத்தா ஓடும்,பிரெக் போட்டா நிக்கும்ங்குறத மட்டும் கத்துக்கிட்டாலே வண்டி ஓட்ட ஆரம்பிச்சிருவாங்க. ரோட்டுல முக்கால்வாசி பேருக்கு வண்டி ஓட்டும் போது கொடுக்குற சிக்னல் எதுவுமே புரியாது.இன்னும் பல பேரு வண்டியில இண்டிகேட்டர்ன்னு ஒன்னு இருக்குறதே வெறும் அலங்காரத்துக்குன்னு மட்டும் தான் நெனச்சிருக்காங்க. ஒரு தடவ நானும் நண்பனும் வண்டியில போகும் போது அவன் ஓட்டிட்டு இருந்தான், இடது பக்கம் திரும்பும்போது மட்டும் கை சிக்னலோ, இண்டிகேட்டரோ போடாம படக் படக்குனு திருப்புனான் நான்,"ஏண்டா வலது பக்கம் போறப்போ மட்டும் சிக்னல் தர, இடது பக்கம் போறப்போ சிக்னல் தர மாட்டேங்குற"ன்னு கேட்டேன்,அதுக்கு அவன் "மச்சி நமக்கு keep left தான அதுனால இடது பக்கம் போனா எப்பவுமே சிக்னல் தர வேணாம்டா"என்றான்.
நான்,"டேய் என்னடா நீயா ஒரு ரூல்ஸ் போடுற??அப்படியெல்லாம் கிடையாதுடா,பின்னாடி வரவனுக்கு நீ எந்த பக்கம் போறன்னு எப்படிடா தெரியும் அதுக்குதான்டா சிக்னல்.சரி அப்புறம் எதுக்குடா வண்டியில left இண்டிகேட்டர் வச்சிருகாய்ங்க,அத சொல்லு".அவன் பதிலே சொல்ல.இப்படி இவய்ங்களா எதாச்சும் மனசுல கற்பனைய வளத்துகிட்டு  ஒரு பழக்கத்த ஃபாலோ பண்றாய்ங்க.அதே மாதிரி சிட்டிக்குள்ள வண்டி ஓட்டும் போதும் ஹெட்லைட்ட" "ஹை-பீம்"ல வச்சு தான் வண்டி ஓட்றாங்க,எதிர்ல வர்ற வண்டி ஓட்றவங்களுக்கு கண் கூசுமேங்குற எண்ணமே இருக்காது, நாம கேட்டோம்னா,"நீயாடா எனக்கு கரெண்ட் பில்லு கட்டுற, என் லைட்ட நான் எப்படி வேணாலும் போடுவேன்னு அகராதி பேசுறாய்ங்க.

இதெல்லாம் விட கொடுமை சிக்னல்ல நிக்கிறப்போ தான் நடக்கும். முக்கியமா பாலத்துல இடது பக்கம் போகவேண்டியவன் வலது பக்கம் நிப்பான்,நேரா போக வேண்டியவன் இடது பக்கமா நிப்பான்.இதுல அடிச்சு புடிச்சு நாம் வெளிய வர்றதுக்குள்ள அடுத்த சிக்னல் விழுந்துரும்.இதுல உச்சக்கட்ட கொடுமை என்னனா சிக்னல்ல நமக்கு ஃப்ரீ லெப்ட் போட்ருக்கும் ஆனா நேரா போறவன் வலது பக்கம் போறவனெல்லாம் இடது பக்கம் வழிய மறிச்சு நிப்பாய்ங்க,என்னதான் அந்த இடத்துல நீங்க தலைகீழா தண்ணீ குடிச்சாலும் நகரவே மாட்டாய்ங்க.அவனுங்க போனாதான் நாமளும் போனும்,அப்படியொரு நல்ல எண்ணம். இப்பெல்லாம்.எலெக்ட்ரானிக் டைமர் சிக்னல் வேறயா நம்ம ஆளுங்க கிட்ட கேக்கவே வேணாம்.மதுரையில 5 செகண்ட் பாக்கி இருக்கும் போதே வண்டிய கிளப்புறாங்கன்னா,சென்னையில குறஞ்சது 8 செகண்ட்லையே எடுத்துறாய்ங்க.தப்பித் தவறி 1,0 ஆகுற வரைக்கும் நின்னோம்னா செத்தோம்.ஒன்னு ஹார்ன் அடிச்சே சாவடிப்பாய்ங்க இல்லைனா அசிங்கமா அர்ச்சனை ஆரம்பிச்சிருவாய்ங்க. இந்த அனுபவம் எனக்கு நெறையா இருக்கு. சிக்னல்ல ஹார்ன் அடிக்கிறத கூட ஏத்துக்கலாம். அது ஏண்டா 'டோல் கேட்'ல நிக்கும் போது கூட அடிக்கிறீங்க??

கொஞ்ச வருசத்துக்கு முன்னாடி சொல்லுவாங்க சென்னைல மட்டும் வண்டி ஓட்டிட்டா தமிழ்நாட்டுல எங்க வேணாலும் ஓட்டலாம்னு, ஆனா இப்போ சென்னையில கூட வண்டி ஓட்டிறலாம்,பாலமெல்லாம் கட்டி பெருமளவு போக்குவரத்து நெரிசலை கட்டுபடுத்திருக்காங்க. அதே நிலமை இப்பொ மதுரையில வந்திருக்கு. அதுலையும் மதுரையில இப்பெல்லாம் வண்டியெடுதுட்டு வெளிய போயிட்டு பத்திரமா வீடு வந்து சேந்துட்டோம்னா முன் ஜென்ம புண்ணியம் தான். அத வச்சு ஒரு நாள் என் நண்பன் கிட்ட சொன்னேன், "மச்சி முன்னாடி தான் சென்னைல ஓட்டுறது கஷ்டம்,இப்பொ மதுரையில ஓட்டிட்டேன்னா எங்க வேணா ஓட்டலாம்டா", அவன்,"என்னடா இப்படி சொல்ற எங்க ஊருல நம்ம திருப்பூர்ல ஓட்டிட்டா எங்க வேணாலும் ஓட்டலாம்னு சொல்லுவாங்கடா",என்றான். அடப்பாவிங்களா அப்போ எல்லா ஊருலையும் இதே நிலமைதானா??(இதுல நமக்கு ஒரு பெருமை). அதுவும் நம்ம ஊரு ட்ராபிக்ல பீக் டைம்ல பாத்தோம்ன கூலாங்கல் குவியலுக்குள்ள தண்ணிய ஊத்துன மாதிரி நுழஞ்ச நுழஞ்சு போவாய்ங்க. அதவிட கொடுமை எதாவது ஒரு இடத்துல இடைஞ்சல் ஆயிருச்சுன்னா பின்னாடி நின்னு சரியானவுடன போவோம்ங்குற எண்ணமே இருக்காது, அப்படியே பக்கவாட்டுல போயி போயி முன்னாடி நின்னு 'டூ வே'(two way) ரோட 'ஒன் வே' (one way) மாதிரி ஆக்கிருவாய்ங்க. இப்போ அவனும் போக முடியாது நாமளும் போக முடியாது.

ஆக்சிடெண்ட் இப்பெல்லாம் சர்வ சாதாரணாமா ஆயிருச்சு. ஒரு காலத்துல மண், தண்ணி லாரி,பிரைவேட் பஸ் இவங்க தான் அந்த நல்ல காரியத்துல அதிகமா ஈடுபட்டாங்க (இப்பவும்தான்) ஆனா இப்ப இவங்களுக்கு டஃப் பைட் (tough fight) கொடுக்குறதுக்குனே வந்திருக்கிறது தான் நம்ம "பங்கு ஆட்டோ" அதான் 'ஷேர் ஆட்டோ'. ரோட்டுல வண்டி ஓட்டும் போது என்னவெல்லாம் பண்ணக்கூடாதோ அதையெல்லாம் கொஞ்சம் கூட தப்பாம கரெக்ட்டா பண்ணுவாய்ங்க. கொஞ்சம் இதயம் பலவீனமா உள்ள ஆளா மட்டும் இருந்தாங்கன்னா இந்த ஷேர் ஆட்டோ காரய்ங்க வண்டி ஓட்டுறத ஒரு 10 நிமிஷம் நின்னு பாத்தா போதும், மூணு அட்டாக் ஒன்னா வந்துரும். zooவுல குரங்கு இங்குட்டும் அங்கிட்டும் தாவுற மாதிரி ரோட்டுல எந்தப்பக்கம் இருந்தாலும் கை காட்டுனீங்கன்னா போதும் அடுத்த மைக்ரோ செகண்ட்ல அங்க இருப்பாய்ங்க.ரோட்டுல எவன் போறான் எவன் வர்றான்னு கண்டுக்கவே மாட்டாய்ங்க கருமமே கண்ணா இருப்பாங்க,கருமம்.ஷேர் ஆட்டோல பெரும்பாலும் முன்னாடி கண்டக்டர் மாதிரி ஒரு ஆளு உக்காந்திருப்பாரு.நானும் ரொம்ப நாளு வண்டிக்கு கண்டக்டர் அல்லது கிளீனரா இருப்பாரோன்னு நெனச்சேன் அப்புறம் தான் தெரிஞ்சது,அடுத்த கொஞ்ச நாள்ல அவரே ட்ரைவர் ஆக போறாரு அதுக்கான தொழில் நுனுக்கங்கள அப்சர்வ் பண்ண தான் முன்னாடி உக்காந்திருக்காருன்னு. சத்திய சோதனை!! ஒருத்தன் ஓட்டுறதையே தாங்க முடியல இதுல அவன் ட்ரெயினிங்ல வந்தவன் மட்டும் எப்படி இருப்பான்.

                                                             

டூவீலர்ல அதுவும் இப்போ இந்த 'ஆக்டிவா'வச்சிருக்காங்க பாருங்க அதுல சில பேரு இந்த விசயத்துல ஒரே மாதிரி தான் இருக்காங்க சர்ர்ர்ர்னு...பறக்குறது. .நாம மொத கியர் போட்டு எடுக்குறதுக்குள்ள அடுத்த சிக்னல் போயிர்றாங்க. ஒட்டுறதும் அப்படியே வளைச்சு வளைச்சு என்னமோ சர்கஸ் காட்டிட்டே போவாய்ங்க. பைக் ஒட்றவங்ககிட்ட இந்த ஹெல்மெட் படுற பாடு இருக்கே..யப்பா..தலைய தவிர எல்லா எடத்துலையும் மாட்டி வச்சிருக்காய்ங்க. அதைவிட முன்னாடி எல்லாம் வேடிக்கை பாத்துட்டு வண்டி ஓட்டுனானுங்க, செல்ஃபோன் பேசிட்டே வண்டி ஓட்டுனானுங்க இப்ப அடுத்தக் கட்டமா மெசேஜ் அனுப்புகிட்டே வண்டி ஓட்டுறானுங்க.. டெத் ரேட்டை(death rate) எப்படியெல்லாம் இன்கிரீஸ்(increase) பண்றதுன்னு நம்ம ஆளுங்ககிட்ட தான் கத்துக்கனும்..

   

சரி இவங்கதான் இப்படின்னு பாத்தா நடந்து போறவனுங்க தொல்லை இருக்கே..தாங்கல.. எதாவது திருவிழா,பண்டிகை சமயம்னா கேக்கவே வேணாம் ஜாலியா நடுரோட்டுல ராஜா மாதிரி உலா வருவாங்க. இன்னும் சில பேரு நடந்த போறவனுங்க என்னமோ ரஜினி மாதிரி வானத்தை பாத்துட்டு யோசிச்சிட்டே நடக்குறாய்ங்க..அட எருமை மாடு கூட ஹார்ன் அடிச்சா நகருது இவனுங்க அசையவே மாட்டேங்குறாய்ங்க..நின்னு நிதானமா திரும்பி பாத்து வண்டி மாடல், கலர், ஃபேன்சி நம்பரா இல்லையான்னு எல்லாம் பாத்துட்டுதான் நகராலாம வேணாமன்னு முடிவெடுப்பானுங்க.இன்னும் கொஞ்ச நாள்ல மாடு இவனுங்கல பாத்து, "டேய் மாடு அதான் ஹார்ன் அடிக்கிறாருல நடு ரோட்டுல திரியிற ஒதுங்கிப் போ"ன்னு சொல்லப்போவுது அப்போதான் திருந்த போறாய்ங்க.

மொத்தத்துல இன்னைக்கு நிலமையில நாம மட்டும் சரியா வண்டி ஓட்டுனா பத்தாது,எதிர்ல தப்பா ஒட்றவனுக்கும் சேர்த்து நாம அட்ஜெஸ்ட் பண்ணிதான் ஓட்டனும். அதுனால முடிஞ்சளவு நம்ம பாதுகாப்ப அதிகபடுத்திக்கனும். இதையெல்லாம் மனசுல வச்சு கவனமா வண்டி ஓட்டுனா தினமும் நாம பத்திரமா வீடு திரும்புவோம்னு எதிர்பார்த்து வீட்ல காத்துடு இருக்கவங்களுக்கு என்னைக்குமே எந்த ஏமாற்றமுமே இருக்காது.